Cocoa header

КАКАО. Ерекше технологиямыз.

Какао — дәмі мен хош иісінің бірегей үйлесімі арқасында тұтынушыларымыздың көңілінен шыққан өнімдерді өндірген кезде біз пайдаланатын негізгі ингредиенттердің бірі. Дәл осыған байланысты какаоны таңдау және өңдеу процесіне ерекше көңіл бөлеміз.

Тропикалық елдерден шыққан.

Біз какаоны көбінесе ыстық және ылғалды климаты оны өсіруге тамаша жағдай жасайтын Батыс Африкадан және Оңтүстік Америкадан аламыз. Какаоның сапасы бүкіл түсім жинау маусымы барысында өзгеріп отырады, сондықтан өнімнің ең жоғары сапасын қамтамасыз ету үшін ең алдымен негізгі түсім жиналғанда алынған какао дәндерін сатып аламыз. Сонымен қатар, бүкіл өндірістік процестерді өзіміз қадағалауымыз үшін әрдайым өңделмеген какао дәндерін сатып аламыз.
Cocoa Part 1

Какаоны өңдеу саласындағы сарапшылар.

Cocoa Part 2
Көп жылдық тәжірибенің арқасында какао дәндерін өңдеу саласында бірегей сарапшылық дәрежеге қол жеткізіп, өнімдеріміздің ерекше хош иісі мен дәмін қалыптастыруымызға мүмкіндік алдық. Піскен жемістен шығарылған какао дәндерін әдетте ферменттелуі үшін бір аптаға банан жапырақтарымен жауып қояды. Бұл табиғи дәм мен хош иістің қалыптасуын қамтамасыз етеді. Содан соң дәндер фабрикаларымызға жіберіліп, ол жерде олардың сапасы мұқият тексеріледі, атап айтсақ, оларға органолептикалық талдау жасалады, олардың физика-химиялық және микробиологиялық параметрлері тексеріледі. Бұдан кейін дәндер кептіріліп, үлкен уатқышқа салынып, жеуге болатын бөлігі (какаоның ұсақталған дәндері) қабығынан бөлінеді. Өзіне тән хош иіс пен түске қол жеткізу үшін ұсақталған дәндер қуырылады. Содан соң олар біртекті массаға дейін ұнтақталады; алынған күнжара какао майын алу үшін сығылады. Кейін какао ұнтағын алу үшін күнжара ұсақталады. Осылайша өнімдерімізге қосатын какао ингредиенттері алынады. Дәндердің көбін өзіміз қуыратындықтан, олардың хош иісін, сапасын және ескірмеуін үнемі қадағалау мүмкіндігіміз бар.
Cocoa Part 2

Экологиялық тұрғыдан төзімді шикізат өндіру.

Cocoa Part 3

Какао көбінесе дамушы елдерде өсіріледі және ол елдерде сұраныстың артуына байланысты фермерлер түрлі әлеуметтік, экономикалық және экологиялық проблемаларға ұшырап жатады. Осы саланың болашағы үшін өз жауапкершілігімізді сезіп, фермерлер мен олардың отбасыларына өмір сапасы мен деңгейін арттыруға көмектесеміз. Біздің компания какао өндірудің тұрақты саласын қалыптастыруға үлес қосатын Бүкіләлемдік какао қорының (WCF) мүшесі болып табылады. Жергілікті қауымдастықтарға экологиялық қадағалау қызметтерін ұсына отырып, саланың экономикалық және әлеуметтік тұрғыдан дамуына атсалысамыз. Сонымен қатар, 2020 жылға қарай экологиялық тұрғыдан төзімділік талаптарына сәйкес какаоның 100% сертификатталуына қол жеткізу үшін сертификаттау стандарттарын әзірлейтін ұйымдармен, атап айтқанда, Fairtrade, UTZ қозғалысымен және Rainforest Alliance ұйымымен тығыз серіктестік орнаттық. Және көздеген мақсатымызға жүйелі түрде қадам басып келеміз: осылайша, 2016/2017 жылдарда экологиялық тұрғыдан төзімді көздерден сатып алған какао дәндерінің көлемі шамамен 70%-ды құрады.

Cocoa Part 3

Біздің ингредиенттеріміз

Сүт
Орман
жаңғақтары
Бал
Дәнді
дақылдар
Жұмыртқа
Кофе
сығындысы
Майлар
Қант
Уыт
сығындысы
Нан пісіретін
ашытқы
Қопсытқыштар
Эмульгатор
Лецитин
Хош
иістендіргіштер
Лимон
шырыны
Қоюландырғыштар
Глазурьлегіштер
Тұз