Дәмді жақсарту үшін нан өнімдерінде және Kinder Joy кремді толтырғышында арпа сияқты дәнді дақылдан алынған уытты қолданамыз.

Кейбір өнімдерімізде глицерин мен сорбитол шәрбатын қолданамыз — құрылымы ұзақ уақыт мінсіз болып тұрсын деп.

Нан-тоқаш өнімдеріне тек наубайхана ашытқысын қолданамыз: қамыр табиғи түрде көтеріледі, ал өнім жұмсақ әрі хош иісі нәзік болады.

Дәмді ашу үшін теңіз тұзын да, тас тұзын да мүлде аз мөлшерде қосамыз.

Эмульгаторлар ингредиент қоспаларын біркелкі етеді. Тек генетикалық түрлендірілмеген лецитиндерді мұқият таңдаймыз: Kinder өнімдерінде көбіне бұл Бразилиядан, Үндістаннан және Еуропадан келетін соя лецитині, сондай-ақ күнбағыс лецитині.

Хош иістендіргіштер рецепттеріміздің дәмі мен хош иісін күшейтеді. Kinder өнімдерінде көбіне бұл ванилин.

Kinder Maxi King-те вафли қытырлақ болсын деп тара шайырын қолданамыз. Бұл — Перуда өсетін Caesalpinia spinosa өсімдігінің тұқымынан алынатын қоюландырғыш. Ал Kinder Kornetti-де пектин қолданамыз.

Kinder Schoko-Bons-та гуммиарабик қолданамыз — бұл табиғи тағамдық шайыр. Ол өнімнің бетін жылтыратып, оны еруге төзімдірек етеді.

Қопсытқыштар — натрий бикарбонаты мен аммоний карбонаты — бисквит жұмсағырақ болып, жақсы көтерілсін деп қажет.

Kinder балмұздағында тұрақтандырғыштарды қолданамыз: мүйізше ағашының шайыры (E410), гуар шайыры (E412) және каррагинан (E407).

Kinder Milkredibles-те шошқа желатинін қолданамыз — ол өнімге созылмалы, мармелад тәрізді консистенция береді.