New header cereals

Дәнді дақылдар

Дәнді дақылдар – адам баласы ежелден азық ететін қуат көздерінің бірі. Сан алуандығы мен пайдалылығының арқасында дәнді дақылдар кез келген рационның ажырамас бөлігіне айналды деуге болады.

Өнім туралы

Дәндерінен ұн тартуға болатын, көмірсуларға бай барлық өсімдіктерді дәнді дақылдар деп атайды. Олардың рационымыздың маңызды бөлігі болып табылатындығы соншалық, барлық ауыл шаруашылық алқаптарының 60%-ға жуығы соларға тиесілі. Біз рецептерімізде мына дақылдарды пайдаланамыз:

Бидай

Бидай – дәндерінен нан, пицца, тәтті нан және печенье пісіру кезінде пайдаланылатын ұн жасалатын өсімдік. Бидайдың дәні үш элементтен тұрады. Дәннің қабығы немесе біз, мысалы, ірі тартылған ұннан жасалған наннан таба алатын кебек жасұнық пен ақуызға бай. Дәннің өзегі құрамында көмірсулардың көп болуының арқасында тағамдық тұрғыдан аса құнды болып табылады. Ақыр соңында, ұрық – бұл бидайдың жаңа өсімдік өсіп шығатын бөлігі. Ол ақуыздар мен көмірсулардан тұрады.

Күріш

Күріш – адамзат баласы үшін аса маңызды дақыл және бүкіл әлемдегі миллиардтаған адамдар үшін негізгі қуат көздерінің бірі. Ол құрамындағы көмірсулардың жоғары деңгейімен ерекшеленеді, бұл ретте оның құрамында ақуыз, майлар және жасұнық аз болады, сондай-ақ глютен мүлдем болмайды. Осындай ерекше құрамы мен қасиеттерінің арқасында ол ағзаға оңай сіңеді. Сондықтан күрішті тіпті ең кішкентай сәбилердің рационына өте жиі қосып жататындығына таң қалмауға болады.

Арпа

Арпаны бидай өсіруге жарамсыз, суық және жартылай қуаң аумақтарда тұратын халықтар мыңжылдықтар бойы өсіріп келген. Бұл дақыл көмірсуларға бай, майлары аз және ақуыздың тамаша көзі болып табылады, сондай-ақ құрамында В тобының дәрумендері мен ағза үшін маңызды минералды тұздар бар.

Спельта

Спельта – адамзатқа ежелден белгілі дақылдардың бірі. Оны сонау неолит дәуірінде-ақ тамаққа қолданған. Спельтаның үш түрі бар: ұсақ, орташа және ірі. Алайда олардың бәрінің бір ортақ сипаты бар – бұл дақылдың дәндері үлдірмен жабылған. Нақ осы себептен дәндер тамаққа қолдануға жарамды болуы үшін екі рет тазартудан өтеді. Бірақ, бұған қарамастан, соңғы уақытта спельта қайтадан танымалдыққа ие бола бастады. Ол құрамында ақуыздың, жасұнықтың, дәрумендер мен минералдардың көп болуымен, сондай-ақ майлардың аз болуымен ерекшеленеді. Спельта ұнынан дәмі мен хош иісі бойынша ақ наннан кем түспейтін керемет нан пісіріледі.

Қарабидай

Қарабидай қандай да бір ерекше климаттық немесе географиялық жағдайларды қажет етпейді, сондықтан ол басқа дақылдар өсе қоймайтын көп жерлерде жақсы өседі. Ерте кездерде оны өсіру үшін топырақ құнарлылығы аздау жерлерді қалдырған және бүгінде әлемнің көптеген өңірлерінде қарабидай алқаптарын табуға болады. Қарабидай көмірсуларға, жасұныққа, минералдар мен В тобындағы дәрумендерге бай, бірақ құрамында ақуыздың аз болуымен және қалған дақылдардың арасында майлардың ең төмен деңгейімен ерекшеленеді.

Сұлы

Сұлыны дастарқанда жиі кездестірмейсің, алайда бұл оның тағамдық құндылығын азайтпайды. Ол ақуызға, жасұныққа, магний мен темірді қоса алғандағы пайдалы минералдарға, сондай-ақ В және Е топтарындағы дәрумендерге бай. Бұдан басқа, сұлының құрамында көп қанықпаған майлар көп.

Қарақұмық

Қарақұмықты өсіру және қолдану тәсілдері дақылдарға ұқсайтындықтан ғана дақылдарға жатқызады. Шын мәнінде ол мүлдем басқа тұқымға – Қарақұмық тұқымдастарына (Polygonaceae) жатады. Қарақұмықтың құрамындағы ақуыздар дәнді дақылдармен салыстырғанда неғұрлым жоғары сапасымен ерекшеленеді. Бұл – құрамында глютені жоқ, жасұнық пен минералдардың жақсы көзі. Қарақұмықтың отаны – Қытайда оны нан өндіру үшін пайдаланады, ал Шығыс Еуропада оны негізгі тағамдарға гарнир ретінде қолданады немесе қарақұмық ботқасын пісіреді.

Kinder® таңдауы және сапаны бақылау

"Дәнді дақылдар біздің көп рецептеріміздің негізгі ингредиенттері болып табылады, сондықтан біз үшін оларды іріктеудің, өңдеудің және жеткізудің тиісінше жүзеге асырылуы өте маңызды. Біздің бидай ұнының сұрпын таңдауымыз біздің қандай нәтиже алғымыз келетіндігіне байланысты. Бір сұрыптарды біз қамырдың жақсы көтерілуі қажет болғанда, мысалы, Kinder Pinguì, Kinder Paradiso, Kinder Сүтті тілім және Kinder Delice тәтті нандары үшін бисквит дайындағанда пайдаланамыз. Енді бір сұрыптар біздің көп өнімдеріміздің маңызды элементі болып табылатын вафли үшін қажетті нәзіктікке қол жеткізуге мүмкіндік береді.
Cereal 2

Біз дәнді дақылдарды құрамдастыруға көп көңіл бөлеміз. Дәнді дақылдары бар Kinder® Chocolate құрамына арпа, күріш, бидай, спельта және қарақұмық кіреді. Біздің өнімдерімізге арналған ингредиенттерге келгенде бәрі, соның ішінде олардың өңделуі де маңызды. Мәселен, Дәнді дақылдары бар Kinder Chocolate құрамына кіретін үлпілдек дәнді біз арнайы осы іске маманданатын италиялық жеткізушілерден аламыз. Ал оларды қуыру біздің фабрикаларымызда жүзеге асырылады, сондықтан біз олардың өзіміз қалағандай қытырлақ және хош иісті болып шығатындығын анық білеміз.Бидайды біз көп елдерден сатып аламыз, бұл бізге пайдаланылатын ұнның сан алуандығы мен сапасын кепілдеуімізге мүмкіндік береді. Біздің өнімдерімізге арналған күріш, арпа, қарабидай және сұлы – Еуропада және Ресейде, қарақұмық – Қытайда, ал спельта тек Италияда өсіріледі.

Біздің ингредиенттеріміз

Сүт
Какао
Орман
жаңғақтары
Бал
Жұмыртқа
Кофе
сығындысы
Майлар
Қант
Уыт
сығындысы
Нан пісіретін
ашытқы
Қопсытқыштар
Эмульгатор
Лецитин
Хош
иістендіргіштер
Лимон
шырыны
Қоюландырғыштар
Глазурьлегіштер
Тұз