Дәнді дақылдар

Дәнді дақылдар біздің көп рецепттеріміздің негізгі ингредиенттері болып табылады, сондықтан біз үшін оларды іріктеудің, өңдеудің және жеткізудің тиісінше жүзеге асырылуы өте маңызды. Біз қоспалардың пропорцияларын мұқият зерттейміз және өнімдерімізге ең күшті дәм, хош иіс беруі және қытырлап тұруы үшін әрбір дәнді дақылдың қуыру дәрежесін таңдаймыз.

Біз дәнді дақылдарды құрамдастыруға көп көңіл бөлеміз. Kinder Country құрамына арпа, күріш, бидай, спельта және қарақұмық кіреді. 
Біздің өнімдерімізге арналған ингредиенттерге келгенде бәрі, соның ішінде олардың өңделуі де маңызды. Мәселен, дәнді дақылдары бар Kinder® Chocolate құрамына кіретін үлпілдек дәнді біз арнайы осы іске маманданған италиялық жеткізушілерден аламыз. Ал оларды қуыру біздің фабрикаларымызда жүзеге асырылады, сондықтан біз олардың өзіміз қалағандай қытырлақ және хош иісті болып шығатындығын анық білеміз.  

Бидай ұнын рецептіні ескере отырып және Kinder өнімдерінің әрқайсысының бірегей дәміне қарай таңдаймыз. Kinder Pinguì құрамындағы табиғи ашытқымен ашытылатын қамыр үшін ұнның бір түрін алсақ, Kinder Paradiso, Kinder Delice және Kinder Сүтті тілім жұмсақ бисквиттеріне екінші түрі, ал Kinder Bueno және басқа да көптеген рецепттерге кіретін қытырлақ вафлилерге үшінші түрі қолайлы болады.

Бидайды біз көп елдерден сатып аламыз, бұл бізге пайдаланылатын ұнның саналуандығы мен сапасын кепілдеуімізге мүмкіндік береді. Біздің өнімдерімізге арналған күріш, арпа, қарабидай және сұлы Еуропада және Ресейде, қарақұмық Қытайда, ал спельта тек Италияда өсіріледі.