КАКАО Ерекше технологиямыз
Какао – дәмі мен хош иісінің бірегей үйлесімі арқасында тұтынушыларымыздың көңілінен шыққан өнімдерді өндірген кезде пайдаланатын шоколадтағы негізгі ингредиент. Дәл осыған байланысты какаоны таңдау және өңдеу процесіне ерекше көңіл бөлеміз.
Какаоны өңдеу саласындағы сарапшылар
Көпжылдық тәжірибенің арқасында какао дәндерін өңдеу саласында бірегей сарапшылық дәрежеге қол жеткізіп, өнімдеріміздің ерекше хош иісі мен дәмін қалыптастыруымызға мүмкіндік алдық.
Піскен жемістен шығарылған какао дәндерін әдетте ферменттелуі үшін бір аптаға банан жапырақтарымен жауып қояды. Бұл табиғи дәм мен хош иістің қалыптасуын қамтамасыз етеді. Содан соң дәндер фабрикаларымызға жіберіліп, ол жерде олардың сапасы мұқият тексеріледі, атап айтсақ, оларға органолептикалық талдау жасалады, олардың физика-химиялық және микробиологиялық параметрлері тексеріледі. Бұдан кейін дәндер кептіріліп, үлкен уатқышқа салынып, жеуге болатын бөлігі (какаоның ұсақталған дәндері) қабығынан бөлінеді. Өзіне тән хош иіс пен түске қол жеткізу үшін ұсақталған дәндер қуырылады. Дәндердің көбін өзіміз қуыратындықтан, олардың хош иісін, сапасын және ескірмеуін қадағалау мүмкіндігіміз бар. Содан соң дәндер біртекті массаға дейін ұнтақталады; алынған күнжара какао майын алу үшін сығылады. Кейін какао ұнтағын алу үшін күнжара ұсақталады.
Какао массасының құрамында бағалы какао майының көп пайызы бар. Біз оны қантпен және басқа да ингредиенттермен араластырамыз, содан кейін қара шоколад алу үшін өңдейміз. Әртүрлі пропорциялардағы қаймағы алынбаған құрғақ сүтті қосқанда, осы какао массасынан әртүрлі сұрыпты сүт шоколады алынады, біз одан дайын өнімдерімізді жасаймыз. Какао массасы глазурь дайындау үшін, мысалы, Kinder Delice үшін пайдаланылады.
Фермерлерге қолдау көрсету
Какао көбінесе дамушы елдерде өсіріледі және ол елдерде фермерлер мынадай түрлі әлеуметтік, экономикалық және экологиялық проблемаларға ұшырап жатады: ресурстардың тапшылығы, ауыл шаруашылығы саласындағы төмен біліктілік және климаттың өзгеруі.
Біз какаоны сатып алу бағдарламасы шеңберінде жергілікті қоғамдастықтың мүдделеріне және қоршаған ортаға зиян келтірместен өмір сүру құралдарын қамтамасыз ететін тұрақты ауыл шаруашылығын құруға бағытталған өндірістің тұрақты әдістерін енгізуге фермерлерге көмектесеміз. Сондай-ақ біз олардың кіріс көздерін әртараптандыру есебінен оларға кедейшілік проблемасын шешуге және жергілікті қоғамдастықтардың тұрақтылығын арттыруға көмектесеміз.
Сонымен қатар жеткізушілерімізді тікелей қолдап қана қоймай, жалпы алғанда какао өсірілетін аймақтарда қоғам мен қоршаған ортаны қорғауға бағытталған бастамаларды да белсенді түрде қолдаймыз. Мәселен, 2008 жылдан бастап, компаниямыз Халықаралық какао бастамасының (International Cocoa Initiative), ал 2005 жылдан бастап, Дүниежүзілік какао қорының (World Cocoa Foundation) мүшесі болып табылады.
Сондай-ақ біз 2021 жылдың басында балалар құқықтарын қорғауға қатысу және какао өсіретін Батыс Африка аймақтарында білім беру бағдарламаларына қолдау көрсету үшін Save the Children қоғамдық ұйымының серіктестігі болдық.
