ҚАНТ. Ол тағамды әрдайым дәмдірек етеді.

Kinder® өнімдерінің құрамына өзіміздің рецептімізге сай дайындалған қызылша мен құрақ қантын қосамыз.

Қантты өндіруіміздің жолы.

Қант қызылшасы мен қант құрағын жинағаннан кейін, олар жеткізушілеріміздің өңдеу кәсіпорындарына жіберіледі. Ол жерде шикізат жуылып, қант мөлшері көп қою шырынның бөліну процесін жеңілдету үшін ұсақталады. Содан соң бұл шырын сүзгіден өткізіліп, ылғалы кетуі үшін қыздырылады, осыдан кейін қою шәрбатта шағын кристалдар қалады, ал олардың көлемі мен мөлшері өнім салқындаған сайын артады. Содан соң кристалдар центрифуганың көмегімен шәрбаттан шығарылып, жуылады және кептіріледі, бұл күнделікті пайдалануға жарайтын, біз жақсы білетін қантты алуға мүмкіндік береді. Фабрикаларымызға келіп түскен қант өнімдеріміздің құрамына қосылмай тұрып, кристалдарының мөлшері мен олардың тазалық дәрежесі бойынша сынақтан өтеді.

Экологиялық тұрғыдан төзімді шикізат өндіру

2010 жылдан бастап біздің компания қант құрағының экологиялық тұрғыдан төзімді өндірісін қамтамасыз етумен айналысатын Bonsucro – Better Sugar Cane Initiative халықаралық бейкоммерциялық ұйымының мүшесі болды. 2014 жылы экологиялық тұрғыдан төзімді өнімдер саласының дамуына қосқан үлесі үшін Ferrero компаниясы Leadership Award марапатына ие болды. Біздің мақсатымыз — 2020 жылға қарай экологиялық тұрғыдан төзімді сертификатталған шикізат көздерінен тазартылған құрақ қантын алу процесін қамтамасыз ету. Алдын ала берген бағамызға сәйкес, 2018 жылы өнімдерімізді жасап шығаруға пайдаланылатын, экологиялық тұрғыдан төзімді сертификатталған шикізат көздерінен алынатын құрақ қантының көлемі 70%-ды (Топ деңгейінде) құрайды. Біз құрамында ГМА (гендік модификацияланған ағзалары) жоқ қантты пайдаланамыз.